user preferences

New Events

Amerik Santral / Karayib

no event posted in the last week

Pozisyon Kolektif la sou debakman tèt kale MINISTA fè nan Fakilte Syanszimèn

category amerik santral / karayib | enperyalis / lagè | non-anarchist press author Wednesday June 20, 2012 07:14author by Kolektif Mobilizasyon pou Dedomaje Viktim Kolera yoauthor email komodevik at yahoo dot frauthor phone 34070761 / 33105763 / 34006415 Report this post to the editors

Lendi 18 jen 2012

Se ak anpil kòlè, kè kase ak endiyasyon, Kolektif Mobilizasyon pou Dedomaje Viktim Kolera yo aprann debakman tèt kale, gwo ponyèt MINISTA fè nan Fakilte Syanszimèn, jou ki te vandredi 15 jen ki sot pase a. Yon lòt fwa ankò, MINISTA kontinye montre tout moun ki pat vle kwè l, li se yon fòs okipasyon ak represyon. Kidonk, zafè konstitisyon, lalwa ak dwa pou pa vyole espas inivèsite a, se pawòl tafya pou MINISTA.

Apre divès zak represyon, kadejak MINISTA ap fè sou pèp la, ak kolera li lage pou touye moun nan kat kwen peyi a, fòs okipasyon an montre li pa deside fè bak sou zak gwo ponyèt li yo. Sèlman nan epidemi kolera a, MINISTA deja touye plis pase 7 mil moun epi kontamine plis pase 500 mil lòt. Entèvansyon gwo ponyèt Syanzimèn nan fèt nan yon moman kote pouvwa anplas la ap voye MINISTA al fè represyon sou popilasyon k ap reklame dwa yo nan sous Matla ak nan zòn Fwontyè a. N ap raple se pa premye fwa MINISTA fè debakman tèt kale, gwo ponyèt sa yo andedan inivèsite a.

- Nan dat 20 janvye 2009, jou prestasyon sèman prezidan ameriken an, sòlda MINISTA kolera yo debake nan ENARTS kote yo maspinen etidyan /atis DON Camelo
- 21 janvye 2009, yon jou apre, sòlda kolera yo debake nan Lekòl Nòmal Siperyè, kote yo maspinen Etidyan Jean Willy Belfleur, ki se yon manm UNNOH
- Nan dat 24 me 2010, MINISTA debake an gwo ponyèt nan Fakilte Etnoloji, yo arete epi maltrete etidyan Frantz Mathieu Junior
- Jou vandredi 15 jen 2012 la, se jou pa Fakilte Syanzimèn kote sòlda MINISTA debake vin agrese ak gwo zam lou, etidyan, pwofesè ak lòt moun ki t ap travay nan fakilte a

Ki lòt enstitisyon MINISTA pral atake demen? Eske se palman an ? Eske se medya yo? Eske se òganizasyon dwa moun yo ? Eske n ap chita tann MINISTA rive sou nou? Pou pita pa pi tris, li lè li tan pou nou leve kanpe.

Nou paka kontinye rete gade MINISTA k ap imilye nou, agrese nou epi touye nou swa ak represyon oubyen kolera. Li lè li tan pou nou montre nou gen diyite. Si pouvwa egzekitif la, boujwazi a ak palmantè yo ki nan tete lang ak MINISTA, pa gen ase diyite pou voye MINISTA ale, noumem k ap viktim anba MINISTA, nou dwe ranmase karaktè nou, pou nou voye fòs okipasyon an al fè wout li. Konsa, zansèt nou yo, anpatikilye, Desalin, Boukman, Sesil Fatima, Katrin Flon, Chalmay Peral ak Benwa Batravil, ap kontan wè gen fanm ak gason vanyan ki gen fyete ki ranmase diyite yo pou kontinye travay yo te kòmanse a. Se nan sans sa a, Kolektif la ap kontinye pran inisyativ epi kore tout mouvman leve kanpe ki dwe fèt nan jou k ap vini yo, pou anpeche dirijan konze yo renouvle manda MINISTA nan mwa oktòb k ap vini la a. Pa gen okenn lwa ni konstitisyon ki ka anpeche MINISTA kontinye imilye nou. Se sèl yon leve kanpe klas domine yo ak pwogresis konsekan ki ka voye MINISTA ale.

Viv yon Ayiti granmoun !
Aba MINISTA ! Aba okipasyon ! Aba tout kolon nwa ak kolon blan !

Pou Kolektif la

Jean Willy Belfleur
James Beltis
Siméon Wisly

This page has not been translated into Português yet.

This page can be viewed in
English Italiano Deutsch
Revolutionary Trade Unionism: The Road to Workers’ Freedom

Latest News

Amerik Santral / Karayib | Enperyalis / Lagè | ht

Thu 24 Apr, 03:55

browse text browse image

haiti_street_protest_kolera492_2.jpg imageMINISTA (MINUSTAH)= Kolera 21:52 Sun 27 Oct by KOMODEVIK 0 comments

haitiun.jpg imagePozisyon Kolektif la sou demach pou renouvle manda MINISTA yon lòt fwa ankò 18:47 Wed 04 Sep by Kolektif Mobilizasyon Pou Dedomajman Viktim Kolera yo 0 comments

ayitimayday18.jpg imageAyiti: Sit-in 15 oktòb 2012 17:47 Thu 18 Oct by Batay Ouvriye 0 comments

img_0001wb_2.jpg image19 oktòb: Aba Ministah-kolera! 21:48 Fri 21 Oct by Batay Ouvriye 0 comments

pwen_2.png imageAyiti: Sou Grèv Lendi 9 Janvye 2006 la 20:38 Sun 08 Jan by BO 0 comments

Opinion and Analysis

Sorry, no stories matched your search, maybe try again with different settings.
© 2005-2014 Anarkismo.net. Unless otherwise stated by the author, all content is free for non-commercial reuse, reprint, and rebroadcast, on the net and elsewhere. Opinions are those of the contributors and are not necessarily endorsed by Anarkismo.net. [ Disclaimer | Privacy ]