Instituto de Ciéncias Económicas e da Autoxestión

O Instituto de Ciéncias Económicas e da Autoxestión (ICEA, en diante) é unha entidade cultural de ámbito estado español, onde desenvolvemos actividades de docéncia e investigación en economia política e autoxestión obreira e social.

O ICEA basea-se nos princípios do asemblearismo, o federalismo, a solidariedade e o apoio mútuo. O ICEA non ten ánimo de lucro, non recebe subvencións dol Estado e as actividades que organiza son de carácter gratuíto. No ICEA teñen cabida estudantes, licenciad@s, doutor@s e profesor@s de economia, profesionais de outras ciéncias sociais e humanas (sociólog@s, politólog@s, historiador@s, filósof@s, xuristas, psicólog@s, etc.) e traballadores e traballadoras en xeral.

O ICEA está aberto a quen lle mova a vontade de encontrar unha explicación real aos sucesos económicos e sociais. Asimesmo pretende colaborar para transformar esta sociedade capitalista en outra sociedade onde non exista a explotación, aprofundando no estudo das alternativas baseadas na autoxestión obreira e social, tanto a nivel teórico e histórico como prático e actual.

O Instituto de Ciéncias Económicas e da Autoxestión (ICEA) foi criado en unha asemblea constituinte en febreiro-marzo de 2008. O ICEA toma como referente histórico a entidade que, co nome de “Institut de Ciencies Econòmiques de Catalunya” (ICEC), criou-se en 1931 na cidade de Barcelona. Esta entidade organizou até 1939 cursos, conferéncias e debates sobre temas económicos e sociais, e o ICEA pretende cobrir o vacio deixado por ela.

Como se estrutura o ICEA?

O ICEA toma as suas decisións en asemblea e a sua estrutura de funcionamiento basea-se en cargos de xestión revocábeis que, a sua vez, crian os seus grupos de traballo. Asimesmo para o desenvolvemento das suas actividades, o ICEA conta con dous pilares fundamentais: os grupos de estudo e os gabinetes técnicos.

Mediante os grupos de estudo pretende-se abordar e estudar un ou vários temas, para posteriormente trasladar as conclusións e coñecementos ao resto da sociedade. Cos gabinetes técnicos pretende-se dar apoio técnico como economistas e investigador@s sociais às organizacións e movimentos sociais que o precisaren. Os grupos de estudo traballan mediante un sistema de educación a distáncia polo que é posíbel participar neles desde cualquer lugar.

Como apoio aos grupos de estudo e gabinetes técnicos, o ICEA conta con unha biblioteca dixitalizada e especializada en ciéncias sociais, principalmente en economia, autoxestión, anarquismo, anarco-sindicalismo e movimentos obreiros e sociais. A totalidade da biblioteca encontra-se nos locais do ICEA. O catálogo xeral e parte de esta biblioteca encontra-se na páxina web.

Por qué nace o ICEA?

O ICEA nace co obxetivo de ser unha entidade onde desenvolver aspectos culturais e técnicos ao servizo da transformación social.
Nos aspectos culturais e de formación, o ICEA pretende criar grupos de estudo en tres ámbitos:

1) Análise do funcionamiento do sistema económico capitalista, coñecendo as suas características e os seus limites.

2) Consolidación como un laboratório de ideas en política económica, laboral e social desde unha perspectiva libertária e tendente a implantar a autoxestión obreira e social. O obxetivo principal é nutrir o pensamento e a acción das organizacións e movimentos sociais.

3) Investigación das formas económicas e sociais coas que substituir o capitalismo por un sistema socio-económico baseado na autoxestión. Neste sentido pretendemos cobrir o vacio existente no que se refire à aprofundización do estudo das alternativas ao sistema capitalista. Desta maneira é necesária a apertura cara outros campos de estudo imprescindíbeis inter-relacionados coa economia, como a socioloxia, a história, a política, etc.

Estes estudos van-se divulgar mediante a realización de artigos, informes, libros, conferéncias, seminários, cursos e planos de estudo.

Nos aspectos técnicos o ICEA pretende desenvolver o seu traballo mediante cuatro gabinetes dirixidos respectivamente a:

- Elaborar artigos e documentos que sirvan de base para publicacións e conferéncias. Asimesmo elaborar informes de coxuntura socio-económica e laboral.

- Elaborar unha recopilación semanal de notícias publicadas na imprensa sobre temas de interese económico-sociais e de luitas laborais no Estado español.

- Oferecer asesoramento en apoio às luitas laborais e sociais.

- Oferecer asesoramento para a autoxestión dos meios de produción por parte dos traballadores e traballadoras.

Onde encontrarnos?

Os membros do ICEA estamos presentes a dia de hoxe en Barcelona, Bilbao, Madrid, Sevilla e Valladolid. Se desexas máis información sobre as actividades e grupos de estudo que estamos desenvolvendo, ou estás interesado/a en pertencer ao ICEA podes pór-te en contacto connosco no seguinte enderezo:

http://iceautogestion.org

info @ iceautogestion.org